Молитвы

Господи, Иисусе Христе, Сыне Божий, Ты бо рекл еси пречистыми усты Твоими: «Аминь глаголю вам, яко аще двое от вас совещаются на земли всякой вещи, ее же аще просите, будете иметь от Отца Моего, Иже на Небесех: где же два или трое собрались во имя Мое, ту есмь Аз посреде их». Непреложны словеса Твоя, Господи, милосердие Твое безприкладно и человеколюбию Твоему несть конца. Сего ради и мы, единодушне днесь сошедшеся вкупе, преклоньше колена пред иконою Твоею, с сердцем сокрушенным к тебе припадая, усердно молим Тя:

даруй нам, рабом Твоим, отцам и матерям, болезнующим о чадех своих и о всех чадех Отечества нашего, и о всех во Христе братиях наших в заблуждениях сущих, и о всякой душе христианстей, скорбящей же и озлобленней, милости Божией и помощи требующей

, исполнения сего нашего прошения.
Владыко Многомилостивый, не отврати лица Твоего от отрок Твоих. Не остави нас, немощных, во гресех наших растлетися. Не попусти злому демону души наша в дебри страстей отгнати. Но помози нам Твоя заповеди присно памятовати, да ниже блудным возбешением себе предаем, ниже друг друга злобою угрызаем, но якоже днесь, Пречистому Образу Твоему предстояще, о исправлении жития нашего ревностию распаляемся. Тако и от иконы Твоея отшедше сие доброе намерение сохранити потщимся. Но понеже изнемогают в печалех душы наша и помыслы уныния нашу колеблют веру, сего ради в сокрушении сердец к Тебе сице взываем: якоже безчисленных страдальцев, блудной страстию мучимых, исцелил еси, тако и нас, Тебе молящихся, услыши, и всех прошения во благое исполни. Подай болящим здравие, скорбящим утешение, заблудшим вразумление; во вражде сущим мир низпосли; сумнящихся в вере утверди; падших воздвигни; невинных сохрани; и положи предел человеком, ихже делом грех в мир вниде. Святый Царю, услыши грешныя рабы Твоя, воздвигни нас на благодарственное Ти славословие, да умножится вера людей Твоих, да прославится в них святое Имя Твое, да тако Царствие Твое посреде нас утвердится. Ты бо еси Царь мира и Спас душ наших и Тебе подобает всякая слава, честь и поклонение, со Безначальным Твоим Отцем и Пресвятым и Благим и Животворящим Твоим Духом, ныне и присно и во веки веков. Аминь.

(Сия молитва читается ежедневно в 21.00 участниками Всеукраинского родительского Движения)